المطبخ

طريقة عمل الكرات او الاقراص في البيت

طريقة جميلة لعمل الاقراص او الكرات بحشوات رهيبة وجميلة ومتنوعة لازم الكل يعملها ويجربها ويسعد اطفاله

طريقة جميلة لعمل الاقراص او الكرات بحشوات رهيبة وجميلة ومتنوعة لازم الكل يعملها ويجربها ويسعد اطفاله

المقادير
كيلو دقيق فاخر منخول
٢ معلقه كبيره لبن بودره
معلقه كبيره بيكنج بودر
نص معلقه صغيره ملح

معلقه كبيره خميره فوريه
٢ معلقه كبيره مليانه سكر
كوب الا ربع مياه دافيه

٢علبه زبادي صغيره
نصف كوب زبده
نصف كوب زيت
٢ معلقه كبيره قشطه وش اللبن
ماء دافي للعجن
الطريقه
(١)في بوله هننخل كل المواد الجافه
(٢)هنعمل اختبار للخميره ..الخميره والمياه والسكر ونسيبهم لما نتأكد انها فعاله
(٣)هنضيف الخميره بعد ماخمرت ع المواد الجافه ونضيف باقي المكونات ونعجن كويس جدا لمده عشر دقائق ويتم اضافه ماء دافئ أو حليب بالتدريج لغيت ما العجينه تبقي معاكي لينه وطريه جدا تقريبا كوب الا ربع حليب ويمكن اضافه شمر وينسون مطحون هيكون رووعه
(٤)هتغطيها وتسيبيها تخمر ويتضاعف حجمها ف مكان دافئ
(٥)بعد ماخمرت هنقسمها كور صغيره ونغطيها ونسيبها ترتاح عشر دقائق وبعدين نفرد قطعه بقطعه واهم حاجه الباقي يكون متغطي عشان مش ينشف هتفرديها بسمك نص سم
(٦)ممكن تعمليها ساده او بحشوه ملبن أو عجوه أو سكر بقرفه أو جبنه .اهم حاجه بعد ماتحطيها ف الصواني الالومنيوم مدهونه زيت تغطيها وتسبيها تخمر تاني وحجمها يكبر قبل التسويه
(٧)بالنسبه التسويه ع فرن ساخن مسبقا قبلها بربع ساعه ع درجه حراره ٢٢٠ وتنزلي رف الشبكه لتحت شويه مش ف النص ولا ع الارضيه لا فوق الارضيه بشويه هتاخد معاكي نص ساعه تابعيها اول ماتاخد لون من تحت شغلي الشوايه تاخد لون وخرجيها انقليها من الصواني وغطيها

وصحتين وعافية

توب فيديو

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق