روايات وقصص

رواية زهور بين الاشواك

رواية زهور بين الاشواك للكاتبة نداء

الجزء الاول:
ماما: اسماء بنتي تعالي تسلي معي مشتاقة اقعد معك
أسماء: ماما حبيبتي عم بدرس بكرة اول يوم من الامتحانات لأرجع من الامتحان بنتسلا وبنقعد بنحكي
ماما: لك هي ساعة مارح ترسبك
أسماء: لا بعدين سما بنت الجيران بتاخد اكتر مني.. بدك ياها تجيب اكتر
ماما: هههه خلص ماما ادرسي الله يوفقك
أسماء: انشالله امي دعيلي الله يرضا عليي
امي: الله يوفقك بدراستك ويسعدك ويفرحني فيكي وشوفك احلا عروس بالدنيا

انا أسماء عمري 18 سنة وعم بدرس بكلوريا.. بنت حلوة وبيضا بعيون سود متل سواد الليل وشعري طويل لركبي..
انا وحيدة للماما.. انا واياها ما النا الا بعض.. وبابا توفى من لما كنت صغيرة الله يرحمه.. وكان وحيد وما اله اخوة.. ماما ربتني لوحدها من وانا صغيرة ورفضت تتزوج بعد موت البابا لانا كانت تحبو كتير..
..
اليوم اول يوم من امتحانات الفصل.. فقت من بكير وحضرت حالي ولبست تياب المدرسة.. وكنت خايفة ومتوترة من الامتحان كتير
طلعت من غرفتي لقيت امي قاعدة عم تقرأ قرآن..
ماما: أسما حبيبتي مابدك تفطري؟
أسماء: شكرا ماما بدي استعجل مافي وقت مشان لحئ مر على سما وانا رايحة
ماما: طب انتبهي يابنتي عالطريق مافي امان بالبلد وخليه عيونك مفتحة اي!
أسمآء: أمرك ماما.. ادعيلي الي ولسما ننجح ونجيب علامات حلوة ياامي
ماما: الله لايضيعلك تعب يا روح امك
..
ودعت امي وطلعت من البيت ومشيت شوي لوصلت لبيت سما يلي كانت عم تنطرني ع الباب
أسماء :صباح الخير سما
سما: ياصباح الفل والياسمين والورد والامل والخوف والتوتر والكفاح والحب والبرد..
اسماء: ااااااااخ فتحتي عليي جروحاتي
سما: ياروحي هي مانا جروح هاي شعلة امل لنحقق احلامنا.. لنبني بلدنا من اول وجديد.. لنعمرها بإدينا هدول..
بدنا نكافح لنوصل لهدفنا.. الارادة تصنع المستحيل ياعمري
انا وانتي بنات عم نمشي بالشارع من الصبح بكير والله اعلم شو حيصير فينا بجوز هلأ نموت تجينا قذيفة او صاروخ طيارة..
اسماء: وانا عم ابكي.. ان شاء لله ياسوريا بنعمرك.. عهد عليي ما اترك ارضك الطاهرة. رح كافح وجاهد لحتى ترجعي متل اول واحسن..
..
اليوم طلعت من البيت وماكنت بعرف شو مخبيلي القدر.. ما كنت بعرف انه ممكن ييجي شي يكسرلي احلامي.. ما تخيت انه ممكن بلحظة تضيع اآمالنا واحلامنا..
من هون بلشت قصتي .. بلشت معاناتي..
من لما طلعت من باب بيتنا ع مدرستي.. لحقق احلامي
..
كنت عم أمشي انا وسما وكنت خايفي يصير قصف او طيران كالعادة.. لحد ماوصلنا للشارع الرئيسي.. اتطمنت شوي انه قلطنا هي المسافة..
بس فجأة.. سمعنا صوت طيارة من بعيد.. وصوت الناس صارت تصرخ وتقول: زتتتتتتت الله اكبررر.. مارميت اذا رميت ولكن الله رما.. اللهم بردا وسلاما على المؤمنين الله اكبببببببببر
..
صارت غبرة بكل مكان.. وماعاد شوف قدامي شي.. كلو غبرة وحجار وركام وصراخ وصوت اسعافات..
اول ما فتحت عيوني وبلشت الرؤية توضح شفت منظر مروع.. منظر بيخلي الحجر يبكي
الناس قدامي صارت شقف لحم .. قطع لحم مرمية بكل مكان..
ماعاد ركزت على شي.. غير اني ماسكي ايد رفقيتي سما..
بس لحظتا فكرت ب إمي.. كان همي الوحيد ماما
كيف بدي اوصل لعندا واتطمن عليها.. صرت اركض بالشوارع وابكي واصرخ ع ماما لحد ما وصلت لشارعنا
لحظتا شفت بنايتنا كلا عالارض ولما شفت هل المنظر اغمي عليي وما عاد حسيت بشي..
الجزء الثاني:
ما بعرف شو يلي صار وكم مر من للوقت بس ما فقت الا ع شي عم يفيقني ويرش عوجهي مي وكنت بملجأ تحت الارض
كان شب عم يرش عليي ويحاول يفيقني..
مجهول: قومي يا اختي واستهدي بالرحمان ان شاءالله اهلك بخير
اسماء: ماما ويين.. مامااا.. بدي ماما خدني لعند ماما . بترجاااك بدي شوفا
مجهول: مافيني اخدك عهداك المكان.. عم ينتشلوا الجثث من تحت الانقاض وبأي لحظة بتجي الطيارة وبتضرب
اسماء: طب وين سما سماا وين بترجاك.. قلي وينااا؟! ماتت ماهيك..؟؟!
مجهول: لاء ما ماتت. بس امها توفت وهي بالمشفى عم بتودعا..
اسماء: اوولي عليي يا سماا.. طب خدني لعند رفقيتي.. بدي كون معا بهالوضع وهالمحنة.. خليني شوفاا
مجهول: مافينيا نمشي بالشوراع خطر علينا بعد شوي بجيبوها لهون اصبري..
اسماء: ياربييي.. طب طمني عن ماما بترجاك.. يالله يا كرييم اخدتلي بابا لاتاخدلي ماما.. ماتحرمني منا يارب.. ما الي غيرااا.. يااارب يطالعوها سالمة من تحت الانقاض.ياربي
كنت عم ابكي وادعي وصرخ.. بدي اطمن ع امي.. بدي ارتمي بحضنا وشوفا.. بدي بوسا واشبع منا.. ما بدي روخ ع امتحان وما بدي ادرس بس بدي اقعد معها.. يارب احميلي اياها..
..
بعد شوي اجو رجال تنين ومعن سما
كانت حالتها بتبكي.. كانو كلهن مليانين غبرة ودم..
اجو ماعم يقدرو يتنفسو عقد ما انهن راكضين بالشوارع..
اول نا قربت من سما ركضنا ع بعض وضميتا وصرنا نبكي متل الولاد الصغار
بكينا بحرقة كبيرة.. من يلي صار معنا.. خفنا على اهلنا وع كل يلي حواليينا.. كان مجرد التفكير انو الناس الي بنحبن عم يتعذبو تحت الانقاض واحتمال يكونوا توفو بيولد جواتنا شعور الانتقام والغضب..
اسماء: ابكي ياروحي ابكي طالعي الي جواتك.. الله يرحما ويصبرك عفراقا.. الله يرحما يااروحي.. الام غالية.. الله يصبرك عفراقا
سما: شوووو؟!!! ماما مااااااتت لااااااااء ماااااماااا!!!
أسماء: سما حبيبتي مو انتي كنتي هلأ عند امك بالمشفى وهي انتقلت لرحمة ربا؟!
سما: اسماء..انا اسفة والله كانو مخربطين بالاسماء.. بس ماما لساتا تحت الانقاض.
اسماء: لك الحمدلله ياربي انشالله تكون بعدا عايشي وهلأ تجي هي واهلك وماما
سما: بس امممم ممم ككك امك
اسماء: شبا مامااا شو فيهاااااا
سما: الله يرحما ويجعل مثواها الجنة ان شاء الله شهيدة عند ربه..
اسماء: لاااااء.. كذب كذببببب.. ماما مابتموت هي وعدتني تضل معي وماتتركني
قالتلي بدا تربيني وتدرسني وتزوجي وتفرح فيني..
قالتلي بدنا نقعد سواا بس ارجع من الامتحاان
ماما وعدتني ماتتركني متل البابا
والله كذب كذب عم تكذبو عليي
ماما لاااا ما ماتت.. هلأ بدا تجي تاخدني من هون..
مجهول: اختي استهدي بالله اادعيلا بالرحمة.. شوفي ليكي الجوا خالي من الطيران اذا بدك تودعي المرحومة باخدك على المشفى هلأ وودعيها بس الروحة فيها خطر ع حياتنا
اسماء: اي بددددي.. بدي ماما خدوني لعندا..
يارب اذا ماما عنجد توفت بعتلي طيارة تاخدني لعندا ولعند البابا مابدي ضل لحالي هون… يارب
سما: خلص بترجاكي اهدي
مجهول: وانتي كمان اختي مشي معنا لان اهلك اذا طالعون من تحت الانقاض بكونو صارو بالمشفى..
سما: طيب خلونا نمشي اكيد هلأ بابا وماما عم ينطروني بالمشفى وخايفين عليه من القصف.. اكيد طالعون من تحت الانقاض..
مجهول: بدنا نتشاهد ونركض ورا بعض بدون مانطلع لورا وشو ماصار معي بتركضو وبتنجوا بحياتكن ماشي..
الجزء الثالث:
مجهول: يلا مشوو.. اشهد ان لاله الا الله واشهد ان محمد رسول الله 1 2 3 ركضوووواا

كانت لحظات قاسية عليي
خبر وفاة ماما نزل متل الصاعقة ع قلبي..
كنت عم بحكي وبتصرف بلا وعي
صرت اركد متل المجنونة بالشارع امشي شوي واوقع احيانا على الارض.. بس الشب الي كان معي كان يقومني ويمسك ايدي
ركضنا مايقارب واحد كيلو بدون توقف
كنا نوقف شي دقيقة ونرجع نركض من الخوف.. خوف انو تجي طيارة او صاروخ علينا.. ركضنا لحد ماوصلنا المشفى
دخلت على ممر طويل تحت الارض كان مليان دم.. وصوات بكي ناس وناس عم تصرخ من الالم..
ضليت امشي وادخل بين الغرف دور ع ماما
اطلع حواليي ع كل المقطعين والمرميين ومتوفيين
لحد ما وصلت اخر الممر كان في غرفة
دخلنا انا وسما وكانت المفاجئة يلي قتلتنا اكتر
انه اهلا لسما كمان كانو كلهن جثث هامدي على الارض
اما وابوها واخواتا التوأم الصغار
وماما كمان جنبن..
لما شفت هالمنظر نهارت اعصابي..
ما عاد في رجل تشيلني ولا تحملني
مشيت لعند امي وقعدت جنبا لحاكيها
اسماء: ماما حبيبتي ردي عليي.. يلا فيقي.. بترحاكي يلا قومي عمليلي اكل انا جوعاني.. عمليلي فطور ومشطلي شعري متل كل يوم.. نقيلي تيابي.. قومي خلينا نقعد سوا ونتسلى.. مو انتي مشتاقة تقعدي معي.. يلا قوومي
يلا ماما لاتمثلي عليي بعرفك عم تسمعيني.. ماما قلتيلي مارح تتركيني انتي وعدتيني.. قلتيلي بابا تركني وصار بالجنة.. بس انتي مارح تتركيني..
يلا ماما خلينا نروح ع بيتنا .. ماما ليش ماعم تردي عليي.. يلا ماما مشي عالبيت ماااااااااااااااماااااااااااااا..
بقيت صرخ وابكي وفيق بإمي.. كنت عم حس روحي بتنتزع مني..
لأخدوا ماما من بين ايدي وانا كنت عم احضنا وابكي.. وسما لما شافت اهلا ميتين اغمي عليها من القهر والزعل..
اخدو اهل سما وماما وراحو ليدفنونهن
..
بقينا انا وسما بالمشفى ومانا عرفانين شو نسوي.. كنا وحيدين ما النا حدا وما بنعرف اي شخص من يلي حوالينا.. ضلينا ساكتين طول الليل لطلع الصبح..
اسماء: قومي بدي حكيكي بموضوع
سما: شو ضل ينحكا بعد ماراحوا الغوالي وصفينا لحالنا وتدمرت احلامنا
اسماء: في كتير كتير لسه.. مارح نسمح يروح دم اهلنا هدر.. ولا احلامنا ولاشي . نحن ولاد البلد.. بنعمرا باذن الله بدا .. يلا سما بدنا نكون خوات من هاللحظة.. ماعاد في بكي ولا دمع
ليكي بسبب البكي نحن لحد الأن بالمشفى مو عرفانين وين نروح بحالنا.. شو رح نضل هيك؟!
سما: انا معك يا اختي جرحنا كبير ولازم نكون قوايا ونتحمل.. بس مو طالع بايدينا شي هلأ.. لأن القصف شغال ومافي مكان نروح عليه غير هالمشفى
نحن نازحين مانا من هالمحافظة مابنعرف حدا.. والحي كلو تدمر والمدينة فاضيية.. شو بدنا نعمل
مجهول: اسف بس انا سمعت حديثكن البقي بحياتكن
اسماء: عادي اخي ولايهمك.. حياتك الباقية
مجهول: اسمي كرم وحابب ساعدكن.. لان انتو بنات لحالكن وبصراحة خايف عليكن.. بعدين هاد مشفى ومافي امان هون بنوب
سما: استاذ كرم كل منا يخاف ع حالو لايغرك نحن بنات بس من هاللحظة الوحدة فينا صارت عن مية رجال وماتفكر انت وغيرك اذا نحنا بنات لحالنا ومالنا حدا بتقدرو تتنادلو معنا
الجزء الرابع:
كرن: عفواً منك.. اول شي انا هون ممرض وواجبي ساعد الناس.. تاني شي شايفك مشالله عليكي عن الف مو مية رجال.. تالت شي انا خايف عليكن لانو هون مشفى وفي خطر عليكن.. ولو بدي اتنادل معكن كنت تنادلت من اول لحظة بقى لاتجرحي بالحكي لو سمحتي
اسماء: اسفة علي حكتو سما بس ماقصدا تحكي هيك.. جرحنا لساتو جديد وبلشنا نخاف من الكل مو اكتر
سما: ولايهك هلء رح اخدكن من هون انتو وامي واختي عالحدود السورية التركية هنيك مافي قصف وامان ورح اعطيكن جوال تحكوا حدا بيقربكن مشان تروحو لعندو اذا بدكن.. شو قلتو
اسماء: بس انا وسما نازحين من الغوطة الشرقية واهلنا بعدن محاصرين مافين يجو لهون.. شو بدنا نعمل
سما: ياربي وبعدين شو الحل
كرم: طيب في عندي حل بس مؤقت لو بتحبو
سما: خير اللهم اجعله خير شو عندك
كرم: انا بدي اخد امي واختي ع تركيا لفترة قصيرة بين ما يهدا الوضع.. عندي رفيقي بتركيا إستأجرلي بيت وعم ينتظرني لروح وبصراحة كان لازم اطلع من مبارح بس ضليت مشانكن ما هان عليي شوفكن هيك وسيبكن لوحدكن
اسماء: عنجد نحنا بحاجة اي شي بس خلينا نطلع من هون.. شكرا كتير الك والله عزبناك معنا
كرم: عذابكن راحة عفواا ولايهمك
سما: نتبه ع كلماتك مشان مااجرحك بالحكي
كرم: ههه ماشي.. انا رايح جيب امي واختي بالاسعاف من الملجأ.. وانتو ضلو بالقبو لبين ما اجي..
اسماء: راح كرم وقعدنا ننطرو انا وسما.. وبعد شوي اجا اخدنا وطلعنا بوجهنا ع معبر باب الهوى
تعرفت ع امو واختو بالطريق وارتحنا معهن كتير..
بس كانت جواتي غصة كبيرة..
حاولت خبي دمعتي بس كنت ابكي غصب عني لحتى وصلت عالمعبر
قبل لا اطلع منه اطلعت لورا وماقدرت احكي ولاكلمة غير اني ابكي واوعد حالي ارجع عسوريا وانا محققة احلامي
..
سما: سلام ياسوريا سلام ياحرب سلام يا اهلي.. مارح ابكي ولا نزل دمعة
وعد يا بابا وماما.. رح اخد حقكن من الظلام.. وعد يا ياسوريا رح نعمرك ياشاااااام .. استودعتك حبابي عندك امانة
سلام يا ام الاوطان..
الجزء الخامس:
طلعنا ع تركيا تهريب انا وسما وكرم واهلو.. امه واختو كانوا ناس طيبين وحبيتن كتير..
كان همن الوحيد يأمنوا علينا ويخففو من وجعنا
كان جرحنا كبير كتير ومو قدرانين ننسى اي شي
اول مادخلنا تركيا حسيت بغصة جواتي.. حسيت شي عم يخنقني.. حسيت حالي رتكبت غلط لما تركت بلادي ومشيت..
تركت احلامي و بابا وماما.. بس ما كان باليد حيلة
رحنا عالبيت الي إستاجرو رفيق كرم كان بيت 3 غرف اخدنا انا وسما غرفة وكرم غرفة و ام كرم واخته غرفة وكل يوم كنا ننجمع كلياتنا عالاكل سوا..
انا اول ما سكنا بالبيت كنت بدي اترك دراستي واشتغل مع كرم حتى ساعد بمصاريفنا بس ماسمحلي ابدا.. طلب مني كمل دراستي واخد شهادة البكلوريا.. تشكرته كتير وقتل وانبسطتت..
صرت ادرس بالبيت لحالي وكان كتير صعب لان المواد علمي وصرت اغلب الوقت ادرس و حب اقرأ قرآن واشكي همي لربي
القرآن كان راحتي وجلاء همي حسو نجاتي من بحر حزني..
يوم صحيت الصبح وانا طالعة من غرفتي كانت سما بعدا نايمي وكرم وامو عم يحكو بهمس
كرم: امي رفيقي حامد حاكاني بموضوع
ام كرم: مين هاد حامد
كرم: هاد رفيقي الي إستأجرلي البيت
ام كرم: اي ابني عرفتو شو بدو منك
كرم: امي بدو.. بس مو مني من سما
ام كرم: كيف يعني فهمني اكتر
كرم: اول مانزلنا ع تركيا شاف سما وعجبتو وبدو اياها.. وطلب مني احكي معها اذا بتوافق ليطلب ايدا من اهليتها يلا بالبلد بس مو مسترجي يحكيها لانها عصبيي كتير
ام كرم: خلص انا بحاكيها.. وعلى علمي هل البنت مالا اهل اغلبن محاصرين ومنن بدول اوروبا.. لهيك الله يخترلا الخير هالبنت بتوجع القلب.. فقدت اهلها وبيتا وكل شي بتحبو.. حتى دراسة ماعادت درست.. صار اكبر هما تصير ناشطة اعلامية وتوصل للناس رسالة الحرب الي عم تفتك بسوريا..
كرم: هالبنت قويي ماشاء الله عليها ان شاء الله هي واسماء يحققو احلامنهن..
..
كنت عم اسمع كلمة احلامهن وفكر بهالاحلام يلي بتمنى حققا.. انا كان بدي ادرس وارجع انزل ع سوريا قدم شهادة البكلوريا.. وماخططت لقدام ابدا
بالاخص انا ب بيت كرم وهالشب تعذب معنا كتير.. وبتم معظم وقتو بالشغل ومابيقعد بالبيت مشان ناخد راحتنا
بس اخد البكلوريا رح دور عشغل وآخد بيت لحالي
مالازم تم عند بيت خالة ام كرم..
كرم وخالة ام كرم حكو مع سما بقصة الخطوبة ووافقت ع خطبتا من حامد بشرط تكمل الطريق الي مشت فيه وتصير ناشطة اعلامية . ونضمت مع حلمد لمنظمة الهلال الاحمر وصارت تشتغل لتساعد الناس الي بسوريا..
وبعد فترة قصيرة تزوجت..
كان يوم صعب عليي كتيير.. رفيقتي الي بعدا اختي.. الي ما الي غيرا هلء.. الي صارت وحدة مني رح تتركني وتتزوج وكمان بدون اهلنا.. لحالنا يتامى بهالغربة
الجزء السادس :
اتدايقت كتير انا وسما لانا رح نبعد عن بعض وتمينا نبكي طول اليوم الي راحت في ع بيت زوجا
وانا هلء صرلي شهرين ببيت ام كرم
قرب موعد امتحاني وشديت همتي عالدراسة كتير..
سما انتقلت ع استنبول بسبب شغلا وهلق هي حامل ..
وكانت اختو لكرم خاطبة وبعدا بوقت قصير اتزوجت وسافرت لعند زوجا..
اليوم بكون باقي 15 يوم لفحصي
ورح انزل ع سوريا عشان قدم الختبارات..
عم بستنا كرن لييجي من الشغل حتى خبرو..
ع العشا
اسماء: خالة ام كرم باقي 15 يوم ع فحصي بدي انزل ع سوريا ان شاء الله الاسبوع يلي جاي
كرم: اجليها للسنة الجاي كيف بدك تنزلي لحالك
اسماء: بقدر انزل ماتاكل هم.. وانا معي شوية دهب من امي الله يرحمها.. رح بيعو وهيك بقدر انزل ع سوريا واتحمل التكاليف
كرم: اسماء افهمي عليه مو عشان المصاري.. انتي بنت لحالك.. وبخاف عليكي يصيبك شي
اسماء: شو! بتخاف عليي؟!
كرم: عفوا بقصد بنخاف عليكي مافي تنزلي
اسماء: انت قلتلي رح تخليني انزل وشجعتني لحتى كفي دراسة..وهلء جاي تقلي مافي تقدمي!!
كرم: شو لكن بدك قلك!! كنتي متل الشمعة الي ضوت حياتي وعم بتدوب قدام عيني.. ما كنت قدران اعمل شي.. ما كان فيني قلك لأ ما تكفي دراسة.. كنت شايف انه دراستك لهتك عن همك
اسماء: صرت ابكي وانا عم بحكي.. يا ربي.. انا راح بابا وانا صغيرا.. وماما كمان راحت وانا بأمس الحاجة الا.. وتهجرنا من الغوطة.. واهلنا الي باوروبا كمان تخلو عني حتى مايحطو مصاري وياخدوني لعندن
والي بالغوطة مابقدرو روح لعندن
شو اعمل!!!!!
حارتي عالارض كلها
الجيران مابعرف عنن شي..
تحطمت احلامي وحياتي.. بدي ارجع ع سوريا ما ابقى هون.. بدي ارجع ع بلدي.. بدي اثأر لأهلي.. لوطني.. لدراستي لعيلتي..
بدي انزل ع سوريا وتم هنيك..
بدي ادرس معهد طبي
بدي ساعد الجرحة والمصابين
بدي اطلع معارك بسيارة الاسعاف وساعد الجرحى
بدي انضم للدفاع المدني
بدي اثأر لوطني وديني وعرضي
إفهموني.. ما بدي بس عيش والسلام
كرم: طيب لاتبكي متل مابدك.. رح تنزلي ع سوريا وتحققي احلامك .. لكن مو لحالك.. انا رح انزل معك
انا ماكان بدي اترك سوريا بس انتي وسما وامي واختي بنات لحالكن.. وين بدي اتركن لحالكن بتركيا هي سما واختي اتزوجو.. مافيني اتركك انتي وامي لحالكن هون لهيك بقيت عندكن..
ام كرم: حاج تبكو انتو التنين.. خلص سما واختك رح يبقو بتركيا وانا وانتو رح نترك تركيا ونرجع لبلادنا ندافع عنا..
انا رح اطبخ للمجاهدين وليان رح تدرس معهد طبي وتشتغل معك بالدفاع المدني رح تكونو سوا ع طول
بس بشرط.. انا مابخليكن تنزلو من تركي الا لحتى تتزوجو..
اسماء: شو!!
كرم: وانا موافق.. اسما بتعرفي انا عديتك متل اختي اول ماجينا بس نحن مالنا غير بعض بهالغربة.. وحتى بهالوطن حطي كفك بكفي وخلينا بوطنا ناخد تارنا وعمرنا نكفي
اسماء: انا بدي نام عن اذنكن
ام كرم: فكري يابنتي منيح نحنا ما بدنا نجبرك ع شي
كرم: والله انا حبيتا.. مو بايدي
ام كرم: بعرف والله بعرف يا ابني كنت بعرف من عيونك
..
رحت ع غرفتي وضليت طول الليل ابكي واشهق متل ولاد صغار
انا بحترمو ل كرم وبعزو كتير.. بس كنت ابكي لاني افتقدت امي بهاللحظة
اااخ يا ياموو وينك تجي تحضنيني وتنسيني حزني ووجعي.. اااخ يا امي اشتقتلك شتقت لارضي وحارتي ومدرستي ورفقاتي ااخ يا امي شو عمل فيني الزمان
الجزء السابع:
نمت يوما والدموع بعيوني..
تاني يوم الصبح دخلت خالة ام كرم لعندي على الغرفة لحتى تحكي معي
بدخلتا عليي وقتا حسيتا متل امي
نفس الحني ونفس طيبة القلب.. ونفس الريحة والعيون.. كانت متل امي الي حرمتني منها الحرب..
اول ما قعدت حدي ارتحت كتير وابتسمتلا..
ام كرم: سوسو بنتي بدي احكي معك بموضوع
اسماء: (وانا ببكي) ااااخخ ياخالة شقد الي ماسمعت كلمة سوسو.. اااخ شو مشتاقة لامي ولحضن امي..
ام كرم: يابنتي صوابك ماكن الله يصبرك يابنتي.. عديني متل امك.. شكيلي همك.. ابكي ع كتفي.. نامي عحضني.. حكيلي عن احلامك
اسماء: الله يخليلي اياكي ياخالة ويطول بعمرك.. والله الي عملتيه معي بحياتي ما بنساه.. انتي بمقام امي الله يرحمها
ام كرم: آمين بنتي الله يرحما ويغفرلا..
طب مشان كرم ابني والله مو لانه ابني بس والله مابيشكي من شي.. كرم خلوق ومنيح وحنون كتير واهم شي وهوي حابك كتير وطالبك بالحلال
اسماء: وانا ياخالة مقدرة وقفتكن معي ومساعدتكن الي.. انتو كنتو اغلا من اهليتي الي تخلو عني.. وانا بجد من كل قلبي حابي كمل عمري معكن وتحت جناحك.. وبدي حقق احلامي مع كرم
انا موافقة كون ارهابية زوجة ارهابي ههههه
ام كرم: ههههه لك للللللللوووووييييششششش ريتوو الف مبرووك
دخل كرم علينا معصب فجأة..
كرم: لشو الزغاريد عيب اي مفكرتينا بحارتنا
ام كرم: سكوووت ولا.. رح تصير احلا عريس ورح افرح فيك ووبنتي سوسوو
كرم: عنجججد.. اسماء يعني موافقة؟
اسماء: نزلت راسي من الخجل.. ايه موافقة..
كوم: وعد عليي سا سوسو امام امي وربي شاهد عليي مارح زعلك ابدا ورح كون ابوكي وامك واخوكي واختك وكل شي بحياتك.. رح كون الزوج الحنون الي رح يكون عونك بهالحياة.. رح كون النور الي ح ينور قلبك ياعيوني
اسماء: والله مو عرفاني شو احكي الله يقدرني اني اسعدك
ام كرم: الله يهنيكن ياولاد .. جهزو حالكن رح تتزوجو هون
كرم: شو رأيك اسما
اسماء: موافقة
الجزء الثامن:
كرم طلبني من قرايبي يلي محاصرين وكتبنا كتابنا
واليوم تزوجنا .. كان يوم حزين وكلو بكي وحزن.. بكيت كتير لانه مافي حد من اهلي جنبي.. بكيت لانه امي ما شاركتني هالفرحة.. ما لحقت تفرح لنجاحي ولا بزواجي..
اجت سما وحامد واجت اختو لكرم وزوجا..
احتفلنا ع قدنا.. حتى مالبست فستان عرس .. لان فستاني الابيض رح يكون كفني وبس.. ما رح افرح قبل ما اخد تاري وارتاح..
قبل فحصي بيوم نزلت ع سوريا ع بيت اهل كرم الي كان كلو غبرة ..
نضفنا المكان وزبطناه شوي ونمنا كلنا بكير من التعب
ولما كنت بسوريا قبل لسافر كنت مسجلي اوراقي عند الائتلاف الوطني ولما هلء رجعت جبلي كرم البطاقة
يوم الفحص الساعة 5 الصبح وانا نايمة..
كرم: سوسووووو
اسماء: بسم الله الرحمن الرحيم شو فيه مين مات!!!!
كرم: شقدك نكدية.. قال مين مات قال.. شو نسيتي انو في هدنة!!
اسماء: عنجد؟! لكان ليش عم بتصيح.. لو حامل سقطت من الرعبة اهبل..
كرم: لك اليوم فحصك مدام اسماء
اسماء: لك ايه بعرف بس لسه بكير
كرم: اي بعرف قومي حطي نفطر ونروح عالمدرسة
اسماء: بربك بعرف الواحد لما بفيق مرتو بكون حاطط سفرة واكل طيب وورد وبفيقا بصوت حنون.. مو بقلا قومي حطي اكل تآكل همي
كرم: آكل همك! .. ما انتي اكبر همي تعي لاكلك
اسماء: هههههه لك بعد عني.. مرت عمي الحقيني ابنك عم ياكلني فيقي
كرم: يخرب بيتك فضحتني.. بعدت مابينعلق معك هبلي
اسماء: وحدك اهبل قوم بدي اتمشى بالمدينة ومشتهية اكل شاورما
كرم: بالله شاورما يا ام بطن من الصبح ههه؟! لاتكوني عم تتوحمي ياموو
اسماء: اي بجوز هههههههه.. لك اسكوت الي اسبوع متزوجي مالحقت اتوحم هههههه اهبل
كرم: طيب قومي لبسي رايح جيب موتور ابن الجيران
طلعت انا وكرم عالموتور وتوجهنا ع المدرسة.. كان يوم بجنن طلعنا يوما طلعنا انا وكرم من الصبح.. مالقينا محل شاورما فاتح.. افطرت يوما كعك وسحلب بالطريق.. وبعدا دخلت عالمدرسة الي رح قدم امتحاني فيها
قدمت الامتحان وعرفت حل كل الاسئلة وكان كرم عالباب عم يستناني
اول ما خلصت طلعت واخدني عالسوق تمشينا ورحنا اكلنا شاورما.. تميت نق ع زوجي حتى اخدني ع حارتنا.. كانت كلا عالارض ..
قعدت اتذكر ماما وسما واهلا والجيران.. قعدت اتذكر وكضحكات الولاد.. تغريد العصافير يلي كنت اسمعا كل ما فيق..
صرت ابكي متل ولاد صغار..
كنت ابكي كتير واشتاق كتير بس هالشي كله ما يأسني بالعكس.. اشعل جواتي شعلة من النيران.. خلتني امضي متل الضوء بالظلمات.. خلتني امشي متل الزهرة بين هالاشواك..
قدمت كل الامتحانات ونجحت بامتياز.. طلعلي طب وهلء عم بدرس طب وكرم ممرض بالدفاع المدني..
وماعم بحسن اشتغل مع كرم لاني هلء حامل وبطني واصل لحلقي ..
هلء انا حامل ببنتي.. يلي رح سميها سما.. ع اسم سما رفيقتي .. عشان تطلع عصبية متلا ..
انا عم عيش.. واتنفس.. بس ما بقدر انسى
لسا بشتاق وببكي وبتذكر كل شي كانه صار هلء
عم حس بوحدة.. بس مبسوطة بزوجي ومرة عمي وببنتي يلي رح تيجي ع هالدني وتزين حياتي..
وهاي قصتي.. كتبتا عشان اوصل لاكلن الي عم يصير بأغلب بنات سوريا واخواتنا بالمعتقلات والي مهجرات ع حدود البلدان..
ولا تنسوا كمان خواتكن بسوريا والعراق واليمن وفلسطين وكل الدول العربية
نحن بحاجتكن لا تنسونا من دعائكن..
ادعولنا ربي يفرجها علينا وع كل امة محمد..
وفي سؤال اخير للحوامل منكن..
هلء زوجي مهبلني متل الولاد الصغار بروح وبيرجع كل ساعة بقلي شقد باقي لتجيبلي دادا سما.. بدي لعبها واخدا معي
زواجكن هيك الا بس زوجي 😂؟!
إنتهت ☺

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق